- composed by Sree Sankaraachaarya
Mudaakaraatha modakam Sadaavimukthisaadhakam
Kalaadharaavathamsakam Vilaasilokarakshakam
Anaayakaikanaayakam Vinaashithebhadaithyakam
Nathaashubhaashunaashakam Namaami tham
vinaayakam.
Nathetharathi bheekaram Navodithaarka
bhaasvaram
Namathsuraarinirjaram Nathaaadhikaapadugdharam
Sureshvaram nidheeshvaram Gajeshvaram
ganeshvaram
Maheshvaram tamaashraye Paraathparam
nirantharam
Samastaloka sankaram Nirasthadaithyakunjaram
Daretharodaram varam
Varebhavakthramaksharam
Kripaakaram kshamaakaram Mudaakaram
yashaskaram
Manaskaram namaskrithaam Namaskaromi
bhaasvaram
Akinchanaarthimaarjanam Chirantanokthibhaajanam
Puraari poorva nandanam Suraari garva
charvanam
Prapancha naasa bheeshanam Dhananjayaaadi
bhooshanam
Kapoladaanavaaranam Bhaje puraana
vaaranam
Nithaanthakaantha
danthakaanthimantakaanthakaathmajam
Achinthyaroopamanthaheenamantharaayakrinthanam
Hridanthare nirantharam vasanthameva yoginaam
Thamekadanthamevatham vichinthayaami
santhatham
Mahaaganesa pancharathnamaadarenayonvaham
Prajalpathi prabhaathake hridismaran
ganesvaram
Arogathaam adoshathaam susaahitheem suputhrathaam
Samaahithaayurashtabhoothi abhyupaithi
sochiraath
गणेशपञ्चरत्नम्
मुदाकरात्तमोदकं सदा विमुक्तिसाधकं
कलाधरावतंसकं विलासिलोकरक्षकम्
अनायकैकनायकं विनाशितेभदैत्यकं
नताशुभाशुनाशकं नमामि तं विनायकम्
नतेतरातिभीकरं नवोदितार्कभास्वरं
नमत्सुरारिनिर्जरं नताधिकापदुद्धरम्
सुरेश्वरं निधीश्वरं गजेश्वरं गणेश्वरं
महेश्वरं तमाश्रये परात्परं निरन्तरम्
समस्तलोकशंकरं निरस्तदैत्यकुञ्जरं
दरेतरोदरं वरं वरेभवक्त्रमक्षरम्
कृपाकरं क्षमाकरं मुदाकरं यशस्करं
मनस्करं नमस्कृतां नमस्करोमि भास्वरम्
अकिंचनार्तिमार्जनं चिरन्तनोक्तिभाजनं
पुरारिपूर्वनन्दनं सुरारिगर्वचर्वणम्
प्रपञ्चनाशभीषणं धनंजयादिभूषणम्
कपोलदानवारणं भजे पुराणवारणम्
नितान्तकान्तदन्तकान्तिमन्तकान्तकात्मजं
अचिन्त्यरूपमन्तहीनमन्तरायकृन्तनम्
हृदन्तरे निरन्तरं वसन्तमेव योगिनां
तमेकदन्तमेव तं विचिन्तयामि सन्ततम्
महागणेशपञ्चरत्नमादरेण योऽन्वहं
प्रजल्पति प्रभातके हृदि स्मरन् गणेश्वरम्
अरोगतामदोषतां सुसाहितीं सुपुत्रतां
समाहितायुरष्टभूतिमभ्युपैति सोऽचिरात्
No comments:
Post a Comment